Имрӯз судяи Суди Олии иқтисодии Ҷумҳурии Тоҷикистон Мирзозода П.Т. ва судяи Суди иқтисодии шаҳри Душанбе Саидзода З.С. ҷиҳати иҷрои дастури супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон вобаста беҳтар намудани фазои сармоягузорӣ ва соҳибкорӣ дар кишвар ва баланд бардоштани мавқеи Тоҷикистон, дар арзёбиҳои байналмилалӣ дар ҷаласаи навбатии гурӯҳи кории салоҳиятноки байниидоравӣ дар Кумитаи давлатии сармоягузорӣ ва идораи амволи давлатӣ иштирок карданд.
Иштирокчиёни ҷаласа оид ба арзёбии мурофиаҳои судӣ ва масъалаҳои ҳуқуқӣ вобаста ба баррасии парвандаҳои иқтисодӣ, ворид кардани тағйирот ба қонунгузории амалкунанда оид ба таъмини ҳуҷҷатгузории электронӣ, ҷори кардани воситаҳои идоракунии электронии парвандаҳо ва мубодилаи ҳуҷҷатҳо барои судяҳо ва адвокатҳо, такмили механизми амалкунандаи пардохти электронии хароҷотҳои судӣ, ҷори намудани хизматрасонии электронӣ, таъмини баровардани қарорҳои судӣ, нашри маълумоти муфассали судӣ оид ба парвандаҳои иқтисодӣ ва ба тартиб даровардани шумораҳои зиёди мавқуфгузории парвандаҳо суханронӣ ва пешниҳодҳо карда, баҳри баланд шудани мавқеи кишвар дар ин самт маълумотҳои дахлдор гирифтанд.