Тоҷики Тоҷики

Суди иқтисодии шаҳри Душанбе

Ҳокимияти судӣ ҳуқуқ, озодии инсону шаҳрванд, манфиати давлат, ташкилоту муасисаҳо, қонунияту адолатро ҳифз менамояд. Конститутсияи Ҷумҳурии Тоҷикистон.

Иштироки кормандон дар мизи мудаввар вобаста ба омилҳои коррупсионӣ ва методология оид ба гузаронидани таҳлили фаъолият.

admin Чорабиниҳо

имрӯз кормандони суди иқтисодии шаҳри Душанбе дар мизи мудаввар ки  дар толори маҷлисгоҳи Cуди Олии иқтисодии Ҷумҳурии Тоҷикистон бо иштироки муовини Раиси Суди Олии иқтисодӣ Аминзода З.Т., сарнозири Сарраёсати пешгирии коррупсиони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва кормандони дастгоҳи Суди Олии иқтисодӣ ва Суди иқтисодии вилояти  Хатлон баргузор гардид иштирок намуданд.

Мизи мудаввар ҷиҳати таъмини иҷрои Нақшаи чорабиниҳои дохилиидоравии зиддикоррупсионӣ дар судҳои иқтисодӣ ва Нақшаи гузаронидани машғулияти семинарии кормандони дастгоҳи Суди Олии иқтисодӣ ва судҳои иқтисодии вилояти Хатлон ва шаҳри Душанбе дар нимсолаи якуми соли 2018  доир ба пешгирии омилҳои коррупсионӣ ва методология оид ба гузаронидани таҳлили фаъолият доир гардид.

Кори вохӯриро муовини Раиси Суди Олии иқтисодӣ  Аминзода З.Т. оғоз намуда пеш аз ҳама ҳузури ҳар як иштирокчии ин чорабиниро хайрамақдам гуфта, қайд карданд, ки Мақсад аз доир намудани чунин вохӯрӣ гузаронидани корҳои фаҳмондадиҳӣ оид ба коррупсия ва хатари он дар байни кормандони дастгоҳи судҳо, иштироки фаъолона дар бораи решакан кардани ин зуҳуроти номатлуб мебошад.

Дар кори мизи мудаввар қайд гардид, ки давлату ҳукумати мамалакат аз рӯзҳои нахустини ба даст овардани истиқлолияти давлатӣ мубориза бо коррупсияро ҳамчун самти афзалиятноки сиёсати давлатӣ қарор дода, ба ташаккули заминаҳои ҳуқуқиву сохторӣ ва таҳкими ҳамкориҳои байналмилалӣ дар ин самт оғоз намуд, ки ба тавсиб расидани Фармони Президенти Ҷумҳурии Тоҷикистон 30 августи соли 2013  таҳти №1504 тасдиқ гардидани Стратегияи муқовимат ба коррупсия дар Ҷумҳурии Тоҷикистон барои солҳои 2013-2020 яке аз тадбирҳои асосии ташаккули сиёсати давлатии зиддикоррупсионӣ дар кишвари мо ба ҳисоб меравад.

Роҳбарияти Суди Олии иқтисодӣ дар асоси дастуру ҳидоятҳои сарвари давлат интихоб ва ҷобаҷогузории кадрҳоро дар сохтори судҳои иқтисодӣ бо риояи қонунҳои амалкунанда тавассути баргузор намудани озмун ба роҳ монда, барои тоза кардани сафи ин сохтор аз шахсони тасодуфӣ, риояи қатъии Кодекси одоби судяҳо ва Кодеки одоби хизматчии давлатӣ тадбирҳои зарурӣ меандешанд.

Дар партави сиёсати хирадмандонаи Пешвои муаззами миллат, аз ҷониби  судҳои иқтисодӣ дар оянда низ тадбирҳои тақвиятбахш ва самарабар ҷиҳати пешгирӣ намудани ҳама гуна ҳолату амалҳои номатлуби коррупсионӣ идома дода мешавад.

Сипас намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Маҷиди Абдукарим –  ва котиби маҷлиси судии Суди иқтисодии шаҳри Душанбе Азиззода Сангалӣ Зафар вобаста ба паҳлуҳои пешгирии омилҳои коррупсионӣ ва методология оид ба гузаронидани таҳлили фаъолият маърӯза намуда, иштирокчиёни  вохӯрӣ доир ба мавзӯҳои матраҳгардида, мубоҳисаҳо намуданд.

You May Also Like..

Тадбирҳои таъмини вазъи эпидемиологӣ вобаста ба пешгирии сироятии нави коронавирус (COVID -19) ва ташкил намудани ситоди дохилиидоравӣ дар суди иқтисодии шаҳри Душанбе.

Бо мақсади таъмини иҷроиши Амри Президенти Ҷумҳурии Тоҷикистон аз 18 марти соли 2020 таҳти № АП-1365, Протоколи машварати назди Президенти […]

Таҷлили Наврӯзи оламафрӯз дар Суди Олии иқтисодӣ бо иштироки Судяҳо ва кормандони дастгоҳи Суди иқтисодии шаҳри Душанбе

Бо мақсади таҷлили сазовори ҷашни Наврӯзи  байналмилалӣ бо иштироки роҳбарият ва кормандони  Суди Оии иқтисодӣ, суди иқтисодии шаҳри Душанбе ва вилояти Хатлон чорабинии идона […]

Leave a Reply

Your email address will not be published. Required fields are marked *