Тоҷики Тоҷики

Суди иқтисодии шаҳри Душанбе

Ҳокимияти судӣ ҳуқуқ, озодии инсону шаҳрванд, манфиати давлат, ташкилоту муасисаҳо, қонунияту адолатро ҳифз менамояд. Конститутсияи Ҷумҳурии Тоҷикистон.

Истиқлол эмин будан аз хавфу хатар бошад.- Судяи суди иқтисодии шаҳри Душанбе Саъдуллозода С.Т.

admin Баромадҳо, Маърӯзаҳо ва мақолаҳо

Мубориза бо коррупсия яке аз самтҳои афзалиятноки сиёсати имрӯзаи Ҳукумати Ҷумҳурии Тоҷикистон маҳсуб меёбад. Ҷумҳурии мо низ аз рӯзҳои аввали соҳибистиқлолӣ дар самти муқовимати коррупсионӣ чораҳои зиёдеро андешидааст. Зеро ин зуҳуроти номатлуб дар ҳамаи сохторҳои давлатӣ ва ҷамъиятӣ паҳн гардида, нуфузи давлат ва эътибори мақомоти ҳифзи ҳуқуқро дар миёни мардум паст мезанад.

Дар ин асос, ба шарофати Истиқлолияти давлатӣ ва сиёсати хирадмандонаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон Ҷумҳурии Тоҷикистон узви шабакаи зиддикоррупсионии Созмони ҳамкориҳои иқтисодӣ ва рушд буда, вобаста ба такмили қонунгузорӣ дар ин самт иқдоми зиёдро амалӣ намуда истодааст.

Ҳамзамон, аз он рӯзҳои аввале, ки Ҷумҳурии Тоҷикистон истиқлолияти сиёсии худро ба даст овард, ҳамаи мақомотҳои ҳокимият ва махсусан, Президенти мамлакат барои мубориза ба ин зуҳуроти номатлуб чораҳои зарурӣ андешиданд. Ба давраи сифатан нави мубориза бо коррупсия Фармони Президенти Ҷумҳурии Тоҷикистон аз 21 июли соли 1999 “Дар бораи тадбирҳои иловагии пурзӯр намудани мубориза бар зидди ҷинояткорӣ дар соҳаи иқтисод ва коррупсия (ришвахӯрӣ)” ибтидо гузошт.

Дар ин давра, Қонунҳои Ҷумҳурии Тоҷикистон “Дар бораи мубориза бар зидди коррупсия”, “Дар бораи хизмати давлатӣ”, “Дар бораи бонкҳо ва фаъолияти бонкӣ”, “Дар бораи хусусигардонӣ”, “Дар бораи мақомоти маҳаллии ҳокимияти давлатӣ”, Кодексҳои гумрук, андоз, меҳнат, гражданӣ ва ҷиноятӣ қабул гардидаанд. Ҳамчунин, дар даврони соҳибистиқлолӣ ду Стратегияи миллии муқовимат бо коррупсия қабул карда шуд, ки дар асоси онҳо чораҳои маҷмӯии хусусияти ташкиливу ҳуқуқӣ, иқтисодиву иҷтимоӣ ва маърифативу фарҳангидоштаи вобаста ба муқовимат бо коррупсия пешбинӣ гардидааст.

Лозим ба ёдоварист, ки мавҷуд будани ин санадҳо сиёсати давлатии зиддикоррупсиониро таҳким бахшида, боиси эътирофи ҷомеаи ҷаҳонӣ гардидааст. Аз ин рӯ, барои дар амал тадбиқ намудани талаботи санадҳои меъёрии ҳуқуқӣ моро зарур аст, ки дар ҳамкориву ҳамбастагӣ бо аҳолӣ чораҳои заруриро тақвият бахшида, робитаро бо мардум пурзӯр намоем. Чунки муқовимат бо коррупсия кори дастаҷамъона буда, дар он мақомоти давлатӣ дар ҳамбастагӣ ба ҷомеаи шаҳрвандӣ метавонад натиҷаҳои дилхоҳро ба даст оварад ва болоравии сатҳи коррупсияро коҳиш диҳад.

You May Also Like..

Омӯзиши Қонуни Ҷумҳурии Тоҷикистон “Дар бораи дастрасӣ ба иттилоот оид ба фаъолияти судҳо”.-Муовини Раиси суди иқтисодии шаҳри Душанбе Раҷабзода М.

Конститутсияи ҶТ ҳокимияти судиро шохаи мустақили ҳокимияти давлатӣ муайян намудааст, ки дар таъмини адолати иҷтимоӣ, таҳкими қонуният ва рушди ҷомеаи […]

Омӯзиши Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”.-Раиси суди иқтисодии шҳари Душанбе Абдуллозода З.Ф.

Дар асоси моддаи 1-и Конститутсияи Ҷумҳурии Тоҷикистон, Тоҷикистон давлати иҷтимоӣ буда, барои ҳар як инсон шароити зиндагии арзанда ва инкишофи […]

Забондонӣ ба волоӣ расонад.-Котиби маҷлиси судии суди иқтисодии шаҳри Душанбе Обидзода Ҷ.У.

Забондонӣ ба волоӣ расонад, Зи гумроҳию нодонӣ раҳонад. Касе к-у беш омўзад забоне, Расидан бар муроди дил тавонад. Забони тоҷикӣ, […]

Leave a Reply

Your email address will not be published. Required fields are marked *