Тоҷики Тоҷики

Суди иқтисодии шаҳри Душанбе

Ҳокимияти судӣ ҳуқуқ, озодии инсону шаҳрванд, манфиати давлат, ташкилоту муасисаҳо, қонунияту адолатро ҳифз менамояд. Конститутсияи Ҷумҳурии Тоҷикистон.

Нақши Паёми Сарвари давлат дар пешрафти ҷомеа.- Муовини раиси суди иқтисодии шаҳри Душанбе Раҷабзода М.

admin Баромадҳо, Маърӯзаҳо ва мақолаҳо

Падидаи нави конститутсионӣ дар Ҷумҳурии Тоҷикистон, ки баъд аз соҳибистиқлол гардидани он ба амалияи давлатдории навини мо ворид гардид, ин Паёми ҳамасолаи Президенти Ҷумҳурии Тоҷикистон ба Маҷлиси Олӣ мебошад, ки дар он вазъи воқеии кишвар мавриди таҳлилу коркарди ҳаматарафа қарор гирифта, дурнамои рушд ва такомули он муайян карда мешавад. Аз нигоҳи Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон Паёми Президент танҳо санаде нест, ки дар он “раванди татбиқи сиёсати дохиливу хориҷии давлат маъмулан дар доираи як сол муайян гардад, зеро ҳадафу вазифаҳои дар асоси Паёми Президент муайяншуда, моҳиятан барнома ва дурнамо барои даҳсолаҳо мебошад”.

Дар воқеъ Паёми Президенти кишвар, ки ҳамасола дар Маҷлиси Олӣ ироа мегардад, ин муайянкунандаии роҳи рушди минбаъдаи сиёсиву фарҳангӣ ва иқтисодиву иҷтимоии кишвар мебошад, ки он баҳри боз ҳам мустаҳкам намудани пояҳои давлатдорӣ, таъмин намудани шароити зиндагии арзанда ва ба бунёди ҷомеаи шаҳрвандӣ нақши калидӣ дорад, зеро ин намунаи муассири ҳамкории миёни рукнҳои қонунгузор ва иҷроия мебошад. Илова бар ин Паёми Президент санаде мебошад, ки дар он қолабу нақшаи қонунгузории давлат, ки муассиси ин самти фаъолияти он, ҳокимияти қонунгузор аст, муайян мегардад. Ҳамаи андешаю афкори Сарвари давлат, ки дар Паёмҳои мухталиф ба Маҷлиси Олӣ изҳор шудаанд, баёнгари аҳамияти муайянкунандаи Паём ҳамчун тавлидкунандаи назария ва амалияи нави қонунэҷодкунӣ мебошад.

Воқеан Паёми Президенти кишвар ба сифати падидаи нав дар амалияи конститутсионии кишвари мо, бешубҳа санади муайянкунандаи дурнамои ҷомеа эътироф шудааст, зеро дар онҳо дастовардҳои дирӯзу имрӯз таҳлил гардида, имкони фароҳам овардани шароит барои дастовардҳои ояндаи кишвар муайян мегардад. Дар Паёми хеш Президенти кишвар дар Маҷлиси Олӣ оиди танзими муносибатҳои нави ба миён омадаи ҷомеа ва қабул намудани қонунҳое, ки қабули онҳоро рушду такомули ҷомеа тақозо мекунад, такмилу мавриди таҷдиди назар қарор додани қонунҳои амалкунанда, ки мазмуну муҳтавои он мебошад, барои фароҳам овардани фазои ягонаи ҳуқуқӣ дар кишвар ва баҳри бунёди давлати ҳуқуқбунёд муосидат намуда истодаанд. Бо Паёмҳои хеш дар Маҷлиси Олӣ Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон тавонистанд, ки ба парламентаризми миллӣ асос гузоранд.

Паёми Президенти кишвар раҳнамое баҳри мо сокинон мебошад, зеро дар он шахсро дар руҳияи худшиносиву худогоҳӣ, пос доштани забон ва фарҳанг, арҷ гузоштан ба муқаддасоти миллӣ, ҳимояи манфиатҳои давлат ва барои боз ҳам ободу зебо гардонидани Тоҷикистони азиз раҳнамун месозад. Аз ин рӯ, аз ҳар як шахс даъват ба амал оварда мешавад, ки худро зи ҳар гуна хатарҳои ҷаҳони муосир эмин нигоҳ дошта, баҳри пешрафт ва шукуфоии Ватани азизамон  фарзандона хизмат намуда, баҳри дар амал татбиқ шудани он дастуру супоришҳое, ки Сарвари давлат дар ироаи Паёмҳои хеш дар Маҷлиси Олӣ медиҳанд, камари ҳиммат баста, содиқона хизмат намоем.

You May Also Like..

Омӯзиши Қонуни Ҷумҳурии Тоҷикистон “Дар бораи дастрасӣ ба иттилоот оид ба фаъолияти судҳо”.-Муовини Раиси суди иқтисодии шаҳри Душанбе Раҷабзода М.

Конститутсияи ҶТ ҳокимияти судиро шохаи мустақили ҳокимияти давлатӣ муайян намудааст, ки дар таъмини адолати иҷтимоӣ, таҳкими қонуният ва рушди ҷомеаи […]

Омӯзиши Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”.-Раиси суди иқтисодии шҳари Душанбе Абдуллозода З.Ф.

Дар асоси моддаи 1-и Конститутсияи Ҷумҳурии Тоҷикистон, Тоҷикистон давлати иҷтимоӣ буда, барои ҳар як инсон шароити зиндагии арзанда ва инкишофи […]

Забондонӣ ба волоӣ расонад.-Котиби маҷлиси судии суди иқтисодии шаҳри Душанбе Обидзода Ҷ.У.

Забондонӣ ба волоӣ расонад, Зи гумроҳию нодонӣ раҳонад. Касе к-у беш омўзад забоне, Расидан бар муроди дил тавонад. Забони тоҷикӣ, […]

Leave a Reply

Your email address will not be published. Required fields are marked *