Ҳамасола дар кишвари азизамон Xумҳурии Тоҷикистон Паёмҳои навбатии Пешвои миллатамон, муҳтарам Эмомалӣ Раҳмон доир мегардад, ки дар навбати худ масъалаҳои мубрами иқтисодиву иҷтимоӣ ва фарҳангии ҷомеа ва давлатро фаро гирифта, барои ҳалли саривақтии он чораҳои мушаххас андешида мешаванд. Паёми навбатии имсолае, ки дар таърихи 26 январи соли 2021 баргузор гардида буд, дар саҳифаи таърих бо ҳарфи заррин навишта мешавад. Зеро, ки ба ҳамагон маълум аст, имсол дар саросари кишварамон Xумҳурии Тоҷикистон, Xашни бошукўҳи таърихӣ, яъне 30 солагии Истиқлолияти давлатии Xумҳурии Тоҷикистон баргузор гардид ва аз он шаҳодат медиҳад, ки дар зарфи 30 соли соҳибистиқлолии давлати тоҷикон, сиёсати иқтисодиву иҷтимоии давлат рушд карда, Тоҷикистонро чун давлати соҳибистиқлол мешиносанд ва мепазиранд.
Иқтисодиёти мамлакат ин яке аз асосҳои пойдориву густариши давлат ба ҳисоб рафта, калиди рушди ин пеш аз ҳама ҷавонони соҳибтаҷрибву кордон мебошад. Рушди саноат иқтисодиётро ғанӣ гардонида, руҳияи иҷтимоии мардумро беҳтар мегардонад. Ҳадафҳои стратегие, ки Пешвои миллатамон, муҳтарам Эмомалӣ Раҳмон дар Паёмашон қайд намуданд, чорум ҳадаф ин саноатикунонии кишвар мебошад. Аз Паёми имсола бармеояд, ки танҳо дар панҷ соли охир дар дохили кишвар ба маблағи умумии беш аз 44 миллиард сомонӣ маҳсулоти ивазкунандаи воридот истеҳсол карда шуд, ки ин боиси хеле коҳиш ёфтани вобастагии истеъмолӣ аз маҳсулоти воридотӣ гардид. Мо барои шукуфоии кишварамон саҳми арзандаи хешро гузорем ва Паёми Сарвари давлатамон, муҳтарам Эмомалӣ Раҳмонро ҳамчун раҳнамои зиндагӣ мавриди истифода қарор диҳем. Паём ин рамзи ифтихор дар роҳи Ватандўстиву Ватандории миллати тоҷик маҳсуб мегардад.