Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон” бо тақозои замон қабул гардида, он баҳри беҳбудонии сатҳи зиндагонӣ, иҷтимоиёту иқтисодиёти мардум нигаронида шудааст.
То қабули қонуни мазкур исрофу бенизомии гузаронидани тӯю сур, азову маросимҳо аз тарафи оилаҳо боиси коҳиш ёфтани вазъи рӯзгори шаҳрвандон гардида буд. Хушбахтона ба ин масъала Ҳукумати Ҷумҳурии Тоҷикистон ва сарвари давлат, Асосгузори сулҳу ваҳдати миллӣ Пешвои миллат, муҳтарам Эмомалӣ Раҳмон диққати ҷиддӣ дода, баҳри пешгирии хурофот чораҳои мушаххас диданд.
Бинобар ин ба тавсиб расидани чунин қонун басо бамаврид буд ва татбиқи он ба қишри эҳтиёҷманди ҷомеаи мо хусусан судманд гардид. Ҳамчунин аз он тамоми аҳолӣ манфиат бардошт. Тибқи қонуни танзим гузаронидани маракаву маросимҳо боиси мустаҳкамсозии иқтисодиёти Тоҷикистон мегардад ва зарур аст, ки ҳар яки мо дар ҳамин раванд ҳиссагузор бошем.