Мувофиқи таҷзияи ҳокимият мақоми судӣ, танзимгари баҳсҳо ва мухолифтатҳо буда, масъули иҷроиши таъмини принсипҳои қонунхои амалкунанда, аз он ҷумла принсипи адолати судӣ, мебошад.
Дар давлати ҳукқуқбунёд суд мақомест, ки ба он баҳри дарёфти адлу адолат муроҷиат мекунанд.
Аз ин лиҳоз сатҳи инкишофи ин давлат ба сифати фаъолияти ҳокимияти судӣ вобастагии бевосита дорад.
Конститутсияи Ҷумҳурии Тоҷикистон инсон, ҳуқуқ ва озодиҳои онро арзиши олӣ эътироф намуда, ҳаёт, кадр, номус ва дигар ҳуқуқҳои фитрии инсонро дахлнопазир эътироф намудааст. Маҳз ин арзишҳои Конститутсия ба ҳимояи судӣ эҳтиёҷ доранд.
Беҳуда нест, ки бо пайдоиши умдатарин шароит дар фазои ҷамъиятию сиёсии кишвар дар баробари он мақсадҳои олӣ масъалаи гузаронидани ислоҳоти судию ҳуқуқӣ, татбиқи амалӣ гардонидани принсипи конститутсионӣ дар фаъолияти судҳо ва тақвияти ҳокимияти судиро роҳбарияти ҷумҳурӣ чун қисми ҷудонашавандаи сиёсати давлати хуқуқбунёд ихтиёр намуд.
Аз замони ба даст овардани соҳибихтиёрӣ дар ин самт корхои зиёд ба анҷом расонида шудааст ва то ҳол идома дорад.