Тоҷики Тоҷики

Суди иқтисодии шаҳри Душанбе

Ҳокимияти судӣ ҳуқуқ, озодии инсону шаҳрванд, манфиати давлат, ташкилоту муасисаҳо, қонунияту адолатро ҳифз менамояд. Конститутсияи Ҷумҳурии Тоҷикистон.

Паёми раҳнамосоз.-Котиби маҷлиси судии суди иқтисодии шаҳри Душанбе Зиёева М.И.

admin Баромадҳо, Маърӯзаҳо ва мақолаҳо

Санаи 26 декабри соли 2021 чун ҳамасола Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эсомалӣ Раҳмон Паёми худро ба вакилони Маҷлиси Олии Ҷумҳурии Тоҷикистон ва халқи Ҷумҳурии Тоҷикистон ироа намуданд.

Дар Паёми худ Президенти кишвар вобаста ба вазъияти солҳои навадуми қарни гузашта ёдовар гардида, қайд намуданд, ки дар оғози солҳои наваду асри гузашта – замоне, ки давлати соҳибистиқлоли мо аввалин қадамҳои худро мегузошт, Тоҷикистон ба фитнаву дасисаҳои  нерӯҳои ифротгарои дохидӣ ва хоҷагони хориҷии онҳо ба гирдоби мухолифатҳои шадиди сиёсӣ ва баъдан ба оташи ҷанги таҳмилии шаҳрвандӣ кашида шуд, ки он боиси қурбониҳои зиёди ҷонӣ ва ҳисороти бузурги моддиву маънавӣ гардид.  Дар ин айём, дар фурсати бисёр кутоҳ аркони давлатдорӣ ва сохторҳои мақомоти давлатӣ фалаҷ гардида, дар кишвар беқонунӣ ва беҳокимиятӣ ҳукмфармо шуд.

Дар чунин шароити ниҳоят мураккабу душвори ҷамъиятиву сиёсӣ, яъне дар вазъияте, ки дар пойтахти кишвар  ташкил ва баргузор намудани ягон чорабинии сиёсӣ ғайриимкон буд,  Иҷлосияти тақдирсози 16-уми Шӯрои Олии Тоҷикистон дар шаҳри  бостонии Хуҷанд баргузор гардид, ки дар ҷараёни он нахустин қарорҳо ҷиҳати қатъи ҷангу хунрезӣ, таъмин намудани суботу оромӣ, сарҷамъ сохтани миллати тоҷик ва барқарорсозии сохти конститутсионӣ  қабул карда шуданд.Бояд гуфт, ки сохти ояндаи давлатдории тоҷикон аввалин маротиба дар ҳамин иҷлосияи таърихӣ пешниҳод гардид.

Президенти кишвар ҳамасола дар Паёмҳои худ вобаста ба марҳилаи озмоиши бисёр сахту сангини  таърихӣ ёдовар гардида, масъалаи  тарбияи дурусти насли наврасро дар рӯҳияи Ватандустиву хештаншиносӣ  ва дар ин замина эҳёи тафаккури миллӣ, фарҳангу тамаддуни ниёгонро ҳамчун воситаи муассири худогоҳӣ, ҳувияти миллӣ ва ташаккули ҷаҳонбинии нави миллӣ, ки халқу миллатро аз тариқи ваҳдату ягонагӣ ба пешрафтҳои азим хоҳад расонд, таъкид менамоянд.

 

You May Also Like..

Интихоби роҳи дуруст дар зиндагӣ аз худи мо вобаста аст.-Котиби маҷлиси судии суди иқтисодии шаҳри Душанбе Зиёева М.И.

Ҳар шахси ҷомеапеш аз он ки ба ҳаёти мустақил қадам гузорад, бояд ҳамаҷониба омода бошад, яъне аввал хуб мулоҳизаву андеша […]

Қонуни танзим ҳимоякунандаи манфиатҳои иҷтимоии мардум аст.-Судяи суди иқтисодии шаҳри Душанбе Баротзода З.М.

Фикр мекунам, соҳибдавлат будан ва мустақилияту худмухториро ба даст овардан ва ҳамзамон, дорои Конститутсияи хеш будан, барои аҳли ҷомеа ва […]

Аъмоли бадро ҷазои бад.-Котиби маҷлиси судии суди иқтисодии шаҳри Душанбе Обидзода Ҷ.У.

Аз маъхазу сарчашмаҳо ва навиштаҳои адибону таърихнигорон бармеояд, ки дар давлатдории дунявӣ яке аз санад ё худ қонуни мазкур роҷеъ […]

Leave a Reply

Your email address will not be published. Required fields are marked *