Имрӯз, дар толори маҷлисгоҳи Суди Олии иқтисодии Ҷумҳурии Тоҷикистон Ҷаласаи Раёсати Суди Олии иқтисодии Ҷумҳурии Тоҷикистон оид ба ҷамъбасти фаъолияти судҳои иқтисодии ҷумҳурӣ бобати ба амал баровардани адолати судӣ дар соли 2019 ва вазифаҳо барои соли 2020 баргузор гардид.Дар ҷаласа муовинони Раиси Суди Олии иқтисодии Ҷумҳурии Тоҷикистон, Мушовири калони бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Шоназаров Содиқ Ашурович, судяҳо, кормандони дастгоҳи Суди Олии иқтисодӣ ва раисон ва судяҳои судҳои иқтисодии ҷумҳурӣ ширкат варзиданд.
Мутобиқи рӯзноми маҷлис оид ба ҷамъбсти фаъолияти судҳои иқтисодӣ дар соли 2019 муовини Раиси Суди Олии иқтисодӣ Аминзода Зокир. маърӯза намуда, сипас ахбороти муовини Раиси Суди Олии иқтисодӣ Комилӣ Ф. оид ба натиҷаи фаъолияти марҳилаи кассатсинӣ ва назоратӣ шунида шуд. Сипас оид ба натиҷаи фаъолият Раисони суди иқтисодии ВМКБ, вилоятҳои Суғду Хатлон ва шаҳри Душанбе оид ба ҷамъбасти фаъолият баромад намуданд.
Раиси суди иқтисодии шаҳри Душанбе Абдуллозода З.Ф., дар ҷамъбастии фаъолияти судӣ иброз намуд, ки дар давраи ҳисоботӣ ба Суди иқтисодии шаҳри Душанбе ҳамагӣ 623 адад аризаҳои даъвогии корхонаҳо, муассисаҳо, ташкилотҳо ва соҳибкорон дохил шуд, ки аз онҳо 103 адади он бинобар сабаби нодуруст бе риояи тартиботи қонунгузорӣ пешниҳод шуданашон, мутобиқи талаботи моддаи 128 Кодекси мурофиавии иқтисодии Ҷумҳурии Тоҷикистон баргардонида шуд. Дар асоси муқаррароти моддаи 1261 Кодекси мазкур қабули 2 адад аризаи даъвогӣ аз қабул рад баргардонида шудаст , зимни ин ба истеҳсолоти суди иқтисодӣ 517 адад аризаҳои даъвогии дигар ба истеҳсолот қабул карда шудаанд. Давоми соли сипаригашта ҳамагӣ 519 адад аризаҳои даъвогӣ ба маблағи умумии 750 741 576,64 сомонӣ мавриди баррасӣ қарор гирифтаанд. Дар 471 ҳолати баррасии парвандаҳо ҳалномаҳои судӣ қабул гардида, аз ин шумора 396 адад даъво пурра ва 47 адад қисман ҷамъ ба маблағи 671 799 038,83 сомонӣ қонеъ гардонида шуд. Бояд тазаккур дод, ки аз 519 адад аризаҳои даъвогии баррасӣ шуда 11 адади он аризаҳои мақомоти прокуратура ба манфиати давлат ва дигар ташкилотҳои давлатию ҷамъиятӣ ба маблағи умумии 7 133 638,44 сомонӣ пешниҳодшуда мебошад. Аз ҷамъи умумии даъвоҳои пешниҳодкардаи мақомоти прокуратура 11 адад аризаҳои даъвогӣ ба маблағи 5 846 339,02 сомонӣ қонеъ гардонида шудааст. Суди иқтисодии шаҳри Душанбе дар соли 2019 ҳамагӣ 8 адад парвандаҳои иқтисодиро аз рӯи даъвоҳои мақомоти давлатӣ, ки ба манфиати давлат роҷеъ ба рӯёнидани зарари ба давлат аз насупоридани маблағи қувваи барқ ва об баррасӣ кардааст. Маблағи умумии талаби даъво аз рӯи ин парвандаҳои баррасишуда 2 538 821,58 сомониро ташкил медод. Баъди баррасии судӣ аризаҳои даъвогӣ дар 8 маврид қонеъ ва маблағи зарарӣ расонида ба андозаи 1 766 272,58 сомонӣ рӯёнида шудааст. Дар маҷмуъ давоми соли 2019 аз тарафи Суди иқтисодии шаҳри Душанбе 35 адад парванда аз рӯи даъвоҳои мақомотҳои давлатӣ, роҷеъ ба рӯёнидани зарар ба манфиати давлат бо маблағи талабшуда ба андозаи 110 117 686,30 сомонӣ мавриди баррасӣ қарор гирифт, аз натиҷаи баррасии аризаҳои даъвогии ин мақомотҳо бо ҳалномаҳои судӣ талаби даъво ба андозаи 90 881 943,42 сомонӣ қонеъ гардонида шудааст.
Дар идомаи маҷлис натиҷаи фаъолияти судҳои иқтисодии ҷумҳури барраси гардида вобаста ба камбудиҳои ҷойдошта супоришҳои мушаххас дода шуд.
Дар охир Лоиҳаи қарори Раёсати Суди Олии иқтисодии Ҷумҳурии Тоҷикистон оид ба ҷамъбасти фаъолияти судҳои иқтисоди дар соли 2019 ва вазифаҳо барои нимсолаи якуми соли 2020 – ро ишора намуданд, ки аз тарафи аъзоёни Раёсати Суди Олии иқтисодӣ якдилона қабул гардид.
Маракази матбуоти Суди иқтисодии шаҳри Душанбе
